La llei, el orden y el poder

Dende’l 10 de setiembre del 2005 tamos sufriendo n’Asturies lo que se vien fraguando durante años (véase reforma del código penal) en cuantu a estratexa represiva se refier, por parte de los poderes públicos encabezaos pola actual dellegación de gobiernu, cuyu chérif ye, comu toes sabéis, Antonio Trevín Lombán.

Camentamos que la cuestión nun ye repasar una vegada más los casos conocíos por toes (Cangues, Fer, multes, Cándido y Morala, Caxastur, etc), a los que-yos damos el nuesu total sofitu y solidaridá. Pa nós ye más interesante reflesionar cómu tamos enfrentando esta situación que cada vegada s’endurez más.

El poder reforma les sos lleis según les circunstancies pa caltener l’orden establecíu. Siguiendo esta lóxica pue entendese que facer “actos de vandalismu” por un motivu pollíticu o llaboral puea llegar a suponer penes de cárcel parecíes a les d’un asesinatu, por poner un exemplu. Y nesti sen, otru exemplu illustratrivu: frayar una cabina nun botellón supón seis meses y facelo nuna manifestación ochu años.

Si analizamos el trinomiu Poder, Llei y Orden, nun debería extrañanos que la policía mienta en un xuiciu escontra un trabayador col consentimientu de los xueces y el beneplácitu de los pollíticos, puestu que toos sirven a un mesmu interés.

Dicho esto, atalantamos que la rempuesta debería ser radical nes formes y nos fechos. Nun poemos permitir que se sienten precedentes comu los que tamos viviendo puestu que si lo permitimos alcontrarémonos con que por facer unes pintaes poamos dir a la cárcel o con que discrepar simplemente col poder establecíu peles urnas seya un delitu penal. Crear un contrapoder qu’anule les sos lleis debería ser el nuesu oxetivu. La resistencia y la solidaridá deben ser les nueses armes de llucha.

Por too esto convocámosvos a movilizavos escontra’l poder, les sos lleis y el so orden, citándovos a un pasacais el 22 de Marzu a les 7:30, na Plaza El Presi, Xixón y a la manifestación del 29-M que convoca la Plataforma poles Llibertaes y Escontra la Represión.Si toquen a una, tóquennos a toes.

Lluchar, crear Poder Popular.

Solidaridá activa.

FUSOA